Yanaq dolğusu

12 Dekabr 2019 Kateqoriya: Kosmetoloji prosedurlar Müəllif: Aygün Hüseynova

Oxuma vaxtı: 4 dəq Oxunma sayı: 7940

4.4/5 - (8 səs)

Yanaqların kontur plastikası, yəni yanaq dolğusu qeyri-cərrahi korreksiya metodudur. Bu prosedur son zamanlar tərkibində hialuron turşusu olan skin fillerlərlə aparılır.

Yanaq dolğusu proseduru haqqında

Prosedur orta hesabla 30-50 dəqiqə davam edir. Yalnız yumşaq toxumalara müdaxilə edildiyindən uzunmüddətli reabilitasiya dövrü müşahidə olunmur. Əməliyyat aparmadan ideal yanaqlara sahib olmaq üçün 1 prosedur kifayətdir.

Dolğunun nəticəsi 9 ay-1.5 il qalır. Bu müddətdə filler tədricən sorulur. Preparatın orqanizmdən tam sorulması onun növündən, maddələr mübadiləsinin sürətindən və pasiyentin həyat tərzindən asılıdır.

Yanaq dolğusunun üstünlükləri

Hialuron turşusu insan orqanizmdə mövcud olan təbii komponentdir. Yaş artdıqca onun miqdarı azaldığından dərinin tonusu azalır və sallanır. Prosedurdan sonra dəri canlanır, nəmlənir və dartılır.

Həmçinin istəyə əsasən həkim-kosmetoloq yanaqların həcm və konturlarını dəyişdirə bilər. Kontur plastika – cavanlıq, təravət və gözəllik deməkdir.

Prosedurun əsas üstünlükləri

Nəticə dərhal bilinir;
Əlavə mənfi təsirlər baş vermir;
Müdaxilədən sonra iz, çapıq qalmır;
Botoks edilmiş üz əks-göstəriş sayılmır;
Yaşla bağlı dəyişikliklər və travma izləri aradan qalxır;
Yanaq dolğusu pasiyentdən hər hansı hazırlıq tələb etmir.

Dolğunun çatızmazlığına fillerin tədricən sorulmasını aid etmək olar. Ancaq bu xüsusiyyət prosedurun təbii və təhlükəsizliyindən xəbər verdiyindən onu çatışmazlıq hesab etmək düzgün deyildir.

Yanaq dolğusu foto 2

Yanaq dolğusuna göstərişlər

Dərinin yaşlanması ilə əlaqədar tonusun azalması;
Yanaq konturlarının korlanması;
Yanaqlarda asimmetriyanın yaranması;
Yumşaq toxumaların sallanması.
Travma mənşəli defektlərin izlənilməsi.

Yanaq dolğusuna əks-göstərişlər

Fillerə qarşı fərdi həssaslıq;
Hamiləlik və laktasiya (süd vermə) dövrü;
Qanın laxtalanmasının pozulması.

Yanaq dolğusu necə aparılır?

İlk öncə həkim dəriyə yerli təsirli ağrıkəsici krem sürtür. Sonra filleri bir neçə inyeksiya ilə yeridir.

Prosedurda istifadə olunan preparatlar

Surgiderm, Juvederm;
Restylane, Restylane Perlane;
Yvoire;
Teosyal Redensity 1 və ya Teosyal Redensity 2
Radiesse;
Ellanse;
Filorga;
HA-Filler;
Belotero.

Sadalanan preparatlar üz dolğusu, çənə dolğusu kimi prosedurlarda istifadə olunur.

Yanaq dolğusu foto 4

Yanaq dolğusundan sonra reabilitasiya dövrü və qoyulan məhdudiyyətlər

İndividual xüsusiyyətlərdən asılı olaraq, dəridəki iynə izləri 3-4 günə keçib gedir.

İlk sutkalarda çoxsaylı mimik hərəkətlər, dərini kisələmək, dekorativ kosmetikadan və digər kosmetoloji prosedurlardan (skrab, massaj və s.) istifadə etmək qadağandır;
Növbəti 3 gün ərzində antikoaqulyantlar qəbul etmək, idmanla məşğul olmaq icazəli deyil;
2 həftə müddətində isti vanna, sauna, spa prosedurlardan imtina edilməlidir
1 ay ərzində solyariyə getmək olmaz.

Yanaq dolğusuna oxşar prosedurlar

Bu cür uzunmüddətli effekti lipofillinq proseduru ilə də əldə etmək mümkündür. Belə hallarda dolğu əvəzinə, pasientin öz piyindən istifadə olunur. Bu prosedur daha mürəkkəb, onun reabilitasiya (bərpa) dövrü isə uzundur. Çünki piyin götürülməsi və yeridilməsi 2 mərhələ sayılır.

Yanaq dolğusu üçün preparat seçimi

Preparat həkim tərəfindən təyin edilir. Mütəxəssis pasientin istəklərini nəzərə alaraq, onun maddi imkanları daxilində kataloq təqdim edir. Mövcud preparatların üstünlükləri, çatışmayan cəhətləri barədə məlumat verir. Bundan sonra qarşılıqlı razılığa gəlinir.

Yanaq dolğusu foto 1