Teosyal Redensity 1

10 Yanvar 2020 Kateqoriya: Kosmetoloji prosedurlar Müəllif: Aygün Hüseynova
Oxuma vaxtı: 4 dəq Oxunma sayı: 533
Teosyal Redensity 1 foto 11

Hialuron turşusu əsasında hazırlanılan Teosyal Redensity 1 –  İsveçrənin “Teoxane” şirkətinin biorevitalizasiya üçün brend preparatıdır. O, dərini təravətləndirir, dəri karkasını bərpa edir, üz ovalını dartır. Həmçinin qırışları hamarlaşdırır, üzə parlaqlıq və canlılıq bəxş edir.

Teosyal Redensity 1 preparatının tərkibi

Yaş artdıqca dermada hialuron turşusu sintezinin ləngiməsi ilə əlaqədar dəri örtüyü quruyur, solğunlaşır və qırışır. Hialuron turşusu hüceyrələrin hidratasiyasına (nəmlənməsinə) cavabdehlik daşıyan maddədir. 25 yaşdan sonra onun sintezi azalır, dəri elastikliyini itirir, qırışlar əmələ gəlir.

Gözəlliyinizi qorumaq üçün Teosyal Redensity 1 ilə biorevitalizasiya və mezoterapiya prosedurları çox effektivdir.

Preparatın əsasını proteinlərdən və endobakteriyalardan təmizlənmiş qeyri-heyvani mənşəli, 15 mq/qr konsentrasiyalı hialuron turşusu təşkil edir. Əlavə olaraq, tərkibinə 3 antioksidant, 8 amin turşu, B6 vitamini, sink və mis daxildir. Belə bir kokteylin 1-2 inyeksiyasından sonra nəticə dərhal görünür.

Teosyal Redensity 1 foto

Teosyal Redensity 1 preparatının effektləri

Biorevitalizasiya kursundan sonra dərinin əvvəlki gənc vəziyyəti bərpa olunur. Üz hamar və dartılmış görünüş alır. Məsamələr daralır, dərinin rəngi xoşagəlimli və parlaq hala gəlir. Dəridəki fibroblastların aktivləşməsi hesabına yeni elastin və kollagen molekulları əmələ gəlir. Qaz ayaqları (gözətrafı) qırışlar yox olur.

Teosyal Redensity 1 dəriyə necə yeridilir?

Preparat bir neçə texnika ilə istifadə olunur.

Multibolyus texnikası üz və dekolte nahiyəsinin cavanlaşması üçündür. Prosedur zamanı dermanın orta qatlarına nöqtəvi formada 0.05 ml-lik inyeksiyalar vurulur. Bu inyeksiyaların arasında 1 sm məsafə saxlanılır. Nəticədə dərinin rəngi yaxşılaşır, elastikliyi artır, xırda qırışlar açılır, üz ovalı dartılır.

Retroqrad texnikada preparat dermanın orta qatlarına dəri səthinə paralel şəkildə yeridilir. İnyeksiyadan sonra həmin hissə azacıq masaj edilir.

Prosedurdan dərhal sonra dəri dənəvari formada, qızartılı və şişkin görünə bilər. Bu əlamətlər bir neçə saat ərzində keçib gedir.

Teosyal Redensity 1 foto 22

Prosedurun nəticəsi

Preparatın yeridilməsindən 10-14 gün sonra dəri xeyli aktivləşir. Amin turşuları elastin və kollagen liflərinin əmələ gəlməsini stimulə edir. Teosyal Redensity gözaltı qaraların itməsinə, üz cizgilərinin vizual cavanlaşmasına, turqorun möhkəmlənməsinə, qırışların açılmasına səbəb olur.

Teosyal ilə biorevitalizasiya prosedurunun effekti 3 ay müddətində saxlanılır.

Prosedurdan sonra nələrə riayət edilməlidir?

Biorevitalizasiyadan əvvəl iltihabəleyhinə dərmanlar, C, E vitaminlərinin qəbulu, solyari və idman məşqləri qadağandır.

İnyeksiyadan sonra 1-3 gün müddətində stomatoloqa getmək, dekorativ kosmetika çəkmək, idmanla məşğul olmaq, təyyarə ilə səyahət qadağandır. 2 həftə boyunca açıq günəş altında qalmaq, saunaya, hovuza getmək olmaz.

Teosyal Redensity 1 preparatının istifadəsinə əks göstərişlər

  • Hamiləlik və südvermə dövrü;
  • Epilepsiya
  • Autoimmun xəstəliklər
  • Çapıqlaşmaya meyllik
  • Kəskin respirator virus xəstəliyi
  • Kəskin fazada herpes infeksiyası

Teosyal Redensity 1 qiyməti

Preparatın qiyməti 170 AZN-dir. Qutuda 2×1 ml şpris və 4 ədəd iynə vardır.

Qeyd

Teosyal Redensity cizgisinin digər preparatı Teosyal Redensity 2 eyni konsentrasiyada olmasına baxmayaraq, dolğu üçün nəzərdə tutulur.

Bu yazını paylaş:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.