Saç qalınlaşması üçün maskalar

20 Dekabr 2019 Kateqoriya: Saç maskaları Müəllif: Aygün Hüseynova
Oxuma vaxtı: 4 dəq Oxunma sayı: 18367
Saç qalınlaşması üçün maskalar foto

Saçların qalın olması, həcmli və gözəl görünməsi hər bir qadının arzusudur. Saç qalınlaşması üçün maskalar tük follikullarını aktivləşdirir, möhkəmləndirir, onlara arzuolunan həcm verir.

Zeytun yağı ilə saçları qalınlaşdırmaq üçün maskalar

Zeytun yağı saçları yumşaltmaqla yanaşı, həm də onları qalınlaşdırır və tüklərin dibini bərkidir. Yağı bir qədər isidib, baş dərinizə masaj hərəkətlərlə yeridin. 45-50 dəqiqədən sonra şampunla yuyun. Maskanı gecə saxlayıb, səhər oyandıqda da yumaq mümkündür.

Zeytun yağlı digər maska

Tərkibi

  • 3 xör. qaş. zeytun yağı
  • 1 xör.qaş. bal

Zeytun yağını bal ilə qarışdırıb, tüklərin diblərinə yeridin. Maskanın saçlara yayılması üçün onları darayın. 30 dəqiqədən sonra başınızı yuyun. Bal saçlarınızı canlandıracaq və parıldadacaq.

Saç qalınlaşması üçün maskalar foto 1

Saç qalınlaşması üçün biyan kökü ilə maskalar

Biyan kökü saç dərisindəki məsamələri açaraq, tükləri qalınlaşdırır.

İnqrediyentlər

  • 4 xör.qaş. süd
  • 2 xör.qaş. biyan kökü tozu
  • 3 çimdik zəfəran

Bütün komponentləri qarışdırın. Maskanı baş dərinizin hər bir hissəsinə bərabər şəkildə sürtün. Qarışığı bütün gecə yumayıb, səhər saatlarında çimin. Proseduru həftədə 1 dəfə təkrarlayın.

Saç qalınlaşması üçün avokadolu maskalar

Avakado tərkibindəki E vitamini sayəsində saçların sağlam olmasını, nəmlənmə və qalınlaşmasını sürətləndirir.

Resept №1

  • orta böyüklükdə avokado
  • 1 ədəd banan
  • 1 xör.qaş. zeytun yağı

Avokadonu əzib, pure halına gətirin. Üzərinə banan və zeytun yağı əlavə edib, yaxşıca qarışdırın. Maskanı masaj hərəkətlərilə tüklərin diblərinə yeridin. 30 dəqiqə gözlədikdən sonra saçınızı şampunla yuyun.

Resept №2

  • 1 ədəd avokado
  • 2 x.q. buğda toxumu yağı

Avokadonu əzib, buğda toxumu yağı ilə qarışdırın. Saçınıza çəkib, 20 dəqiqədən sonra yuyun. Bu resept həm də seyrək saçlar üçün maskalara aiddir. Hazırlanmış qarışıq tük follikullarının sürətlə böyüməsini təmin edir, saçlara həcm verir.

Saç qalınlaşması üçün maskalar foto 2

Kətan toxumlu saç qalınlaşması üçün maskalar

Omega-3 yağı ilə zəngin olan kətan toxumu saçları mükəmməl formada qalınlaşdırır.

İnqrediyentlər

  • ¼ fincan kətan toxumu
  • 2 stəkan su
  • 1-2 damcı badam yağı (və ya hər hansı efir yağı)

Kətan toxumunu axşamdan suya qoyub, bir gecə saxlayın. Səhər kətan toxumlarını 2 stəkan suda qaynadıb, gel halına gələnə qədər gözləyin. Sonra geli süzüb, üzərinə 1-2 damcı efir yağı əlavə edin. Soyuduqda saçlarınıza çəkin. 30 dəqiqə saxlayıb, şampunla yuyun.

Yumurta ilə saç qalınlaşması üçün maskalar

Saç üçün yumurta maskası tüklərin qalınlaşması və möhkəmlənməsi məqsədilə istifadə olunan zülal qaynağıdır.

Resept №1

2 ədəd yumurtanı yaxşıca çırpın. Nəm saçlarınıza sürtün. 30 dəqiqə saxladıqdan sonra şampunla yuyun. Maskanı həftədə 2 dəfə təkrarlayın.

Resept №2

  • 1 ədəd yumurta sarısı
  • 1 x.q. jojoba yağı
  • 2 x.q. su

Yumurta sarısını çaldıqdan sonra digər inqrediyentlərlə qarışdırın. Maskanı baş dərinizə yeridin. 20 dəqiqə saxlayıb, şampunla yuyun.

Saç qalınlaşması üçün maskalar foto 3

Gənəgərçək yağı ilə saç qalınlaşması üçün maskalar

Gənəgərçək yağı saç tökülməsi probleminin həllinə kömək edir. Saçları qalınlaşdırır, tökülməsini azaldır.

Bu məqsədlə bərabər miqdarda götürülmüş gənəgərçək və kokos yağlarını qarışdırın. Maskanı saçınıza və baş dərinizə sürtün. Saçlarınızı darayıb, dəsmalla bağlayın. 1 saat saxlayıb, şampunla yuyun. Həftədə 1 dəfə tətbiq edin.

Xülasə

Bir-birindən effektiv reseptlər sayəsində saçlarınız möhkəmlik, parıltı və həcm əldə edəcək.

Bu yazını paylaş:
Yazını qiymətləndirin:
Şərhlər
Bu yazıya ərh yazılıb

Bir cavab yazın

Sizin e-poçt ünvanınız dərc edilməyəcəkdir.